واحد من الناس مشرف عام
تاريخ التسجيل : 30/04/2010 الدولة : مصر المشاركات : 273 احترام قوانين المنتدي :
| موضوع: التغيير فى الدساتير شعر سياسى الثلاثاء مايو 11, 2010 6:59 am | |
| بسم الله الرحمن الرحيم دستور للشاعره المتالقه ايمان البكرى دستور يا اخوانا يا بعدا لأ سوري دستور م البعدا محبوس حابس يا سيادنا و بكاكي من فوق مدنة و ورايا ديوك بيكاكو حرصوا عالباقي معاكو بركة مولانا هولاكو حلت و علينا اللعنة طرطور طرطر طراطير بيغيروا فالدساتير و لا عاد في الحتة كبير و يا وارث تورث مين ما الورث إتباع و إتبعنا نرجع تاني لموضوعنا و بيان لديار الإفتا من جمهورية زفتا لِعبو و عملوها إستفتا صوت ياللي سامعنا و قوللي ملك ولا كتابة أسد شبل ف الغابة و أحلف وحياة راس بابا زفة فمولد كدابة و الله يجازي اللي خدعنا للجوكر ألف تحيا ملعون خاش الحرية يحيا قانون العبودية و القوانين الوضعية و الحكومات الشمولية لها مني ألف تحية وحِياة أمي دي رجعية و لو صوتنا و جَعجَعنا واحد ولافيش غيره هوه قاعد متربع جوة و بكيفك أو بالقوة لو سوبر مان و فتوة روح قٌله بقى يودعنا عصابات شغل فتوات و استعباط على حركات و السقا أبوه لو مات حيقوم يسقي الشربات و يكمل على مواجعنا مزيكة و تَرَابَاتَّتو و نفديك بالدم.. إفدوه بس إحنا و رحمة أبوه مين ده اللي حَيلوي دراعنا روح هاتلي لمون بالصودا انا حاسة بريحة شوطة حيصعدوا فصل الروضة و الورث حيصبح موضة لم الجدعان و اتبعنا على قهوة ساقية مكي نصرخ نلطم و حنبكي ده ناويها و بيتكتكلي قبل ما حتى يودعنا زقطَطُوا يا عيال قولوا هييه الحكم صبح تيك أواي لو عايز قول أوكيه و لو رافض قول أوكيه في كلا الحالتين نوو واي غير كودية و زار ينفعنا لأنا عايزة بخور م الجاوي و حمار أرمل و حصاوي و دراع برغوت مش غاوي تنطيط عفريت و مخاوي شلة مقاطيع يقطعنا حابس من شر الكرسي من شر عزيزة و مرسي من قرص النمل الفارسي م الأحياء و الأموات من كايرو إلى بغداد أشتات أشتوت أشتات حرصوا من لعب السيكا م الحكشة و م البولوتيكا و لا تشمت يومًا فيكا مارشيل بنت أم ماريكا قول حاجة الله يهديكا و ادعي معايا يخليكا حِلُّوا بقى عن أوجاعنا و انصرفوا عليكوا اللعنة انصرفوا عليكوا اللعنة
| |
|
matrix@man Administrator
تاريخ التسجيل : 28/04/2010 الدولة : مصر المشاركات : 290 احترام قوانين المنتدي :
| موضوع: رد: التغيير فى الدساتير شعر سياسى الإثنين يونيو 07, 2010 8:38 am | |
| شكراااااااااااااااااااااااااااااااااااااااااااااا يابراهيم علي الموضوع وجزاك الله كل خير والي الامام دائما بمشيئة الله تعالي | |
|